ياعمري ياغلاي أنتي
ياعمر العمر لا هنتي
لاضاقت بي الدنيا
تزين الدنيا لازنتي
ياأجمل ماكتبت انتي
بيومي بشهري وبسنتي
محبة عمرها عمرك
ولازلتي كما كنتي
حبيبة عمري الماضي
حبيبية باقي سنيني
شعاع بالدجى ياضي
أحبك ياضوى عيني
على يهون
كل الكون
ولكن انتي ما هنتي
هلا ياكل ما اتمنيت
ياشمعة نورت بالبيت
انا في يوم ميلادك
بذاك اليوم انا حبيت
اشوفك كل ماناديت
وانادي لك اذ رديت
بفرحي بحزني وبخوفي
احسك كل ما ونيت
يااغلى من غلا روحي
ياحب عاش باحلامي
يابلسم يداوي جروحي
ينسني شقى ايامي
نعم ويمون
غلاك جنون
واحزّن كان حزّنتي
وعلى يهون
كل الكون
ولكن انتي ماهنتي
أحب الصوت والنبرة
وأحب الضحكة والعبرة
لأنه حبك بقلبي
كبر هالكون وش كبرة
ياصبر اللي نفذ صبره
أحبك والغلا عبرة
ربيع العمر بعيوني
خضار يجلي الغبرة
غلا ممنوع يتحول
ولاغيره أبد غالي
نعم
ياحبي الأول
نعم
ياحبي التالي
غلاي فنون
وأنا الممنون
إذا بقلبي تمكنتي
وعلي يهون
كل الكون
ولكن أنتي ماهنتي
كبرتي مثل ماقلتي
وتغيرتي وتبدلتي
ولكن مثل مــا كنا
بعيني طفلة مازلتي
ولازلتي مدللتي
احبك هذا مشكلتي
أحبك لاضحكتي لي
واحبك لا تمللتي
ولااتحمل غيابك يوم
أفكر فيك و أحاتي
احبك حيل أحبك دوم
غلى من ذاتي لذاتي
عرفتي شلون هم يغلون ؟
تأكدتي ؟ تطمنتي ؟
وعلي يهون
كل الكون
ولكن أنتي ماهنتي
يا(أضوى )ياغلاي انتي
ياعمر العمر يابنتــــــــــــــي