اود ان أشارككم برأي ..
أولاً أنا يوم كنت بالمرحله الثانويه وبالاخص ثاني ثااانوي كنت احب الفيزياااء مره وكنت افهمه واستوعبه رغم صعوبته ودسامته في هذه المرحله لان استاذتنا كانت من جد ممتازه ماشالله عليها وتدع فرصه للتفكير والبحث وهذي اهم نقطه في ثبات المعلومه لان البحث يوسع من مدارك الطالبه الا انني يوم جيت ثاااااااااالث ثااانوي انقلبت الايه صرت ماعاد اطيقه طبعاً هالكلام في ثااالث ثانوي الترم الثاااني لان الترم الاول كااان سهل يمديك تفهمين نفسك لكن الترم الثاني لاااا مو سهل مقارنه بالترم الاول المهم حاااولت ابذل قصاارى جهدي ولكن لا جدوى صرت احس بصعوبه لان استاذتنا جديده وماجات الا متأخر وشرحههاا مو مره تقول كلام وقوانين غير الكتااب فصرنا في الحصه مطنشينها لاننا اذا فهمنا فهمنا غلط ومدري وش صار عليها وراااحت الاستاذه وباقي لنا قرابة ثلاث فصول وقبل الاختبارات النهائيه جاتنا مدرسه وضغطتنا في اربع ايااااااام وحلو شرحهها واستوعبناه لكن مو ذاك الاستيعاب اللي مره لاننا متأخرين نبي الفكه بس ..
يوم جيت هالسنه بالمرحله الجااامعيه صرت متنحه مررره في الفيزياء وأنا قسمي حااسب بس هذا دليل على اهمية هالماده لانه يعتمد على ثاااااااااااااالث ثانوي لكن شوي بعمق واذا مافهمنا استحاله تشرح الاستاذه المعلومات الاساسيه اللي اخذناها في ثاالث تقول اخذتوها وانا مالي الا اشرح الا الاشياء الجديده عندكم.. وغير كذا بعد عندنا فيزياء عملي وللأسف الشديد ما قد تطرقنا في ايااام الثانوي للتجارب الموجوده في المنهج يعني ماكنا نسويها لسوء المعمل طبعاً اللي في ثااالث كولوم وطقتها والتوازي والتوالي وغير هالاشياء لان في ثااني مافيه تجاارب ذاك الاهميه فصرت جد تايه في التوصيل
يعني باختصار راح اقول لكم النقاط الاساسيه اللي تعين بعد الله على استيعااب مااااااادة الفيزياء:
1. اهم شي تكون عند الطالبه الاساسيات المهمه .
2. أن تبذل الطالبه قصارى جهدها وتعين استاذتها لان اذا كانت الاستاذه ممتازه ومافيه جهد من الطالبه ماينفع.
3. الاستاااذه لها دور اسااااسي في استيعاب الماده بحيث تشجع الطالبات في حل المسائل وتعمل ورقاات عمل ومسابقات.
4. ايضاً المعمل له دور في الاستيعاااب فلابد ان يكون متكامل علشان محد يعاني مثلي.
5. المذاااكره يومياً مو مره يعني قراءه بعد ماترجعين بعدين تطبقين الواجب بنفسك.
عذراً ع الاطاااله اتمنى اكون قد افدتكم..