[فهد مفهي]

من أين جاءت هذه القوة المسلطة على مركز الكأس،

من الجاذبيه الارضيه, قوه شد الارض للاجسام

هل تستطيع اثبات وجودها؟

لا, لا استطيع اثبات انك مستقر الان على الارض ولا تسبح في الهواء

وهل تستطيع أن تثبت أيضا أنها مسلطة على مركز الكأس؟

لا, هو كان توقع مني لاني قلت

لان فيه قوه موثره عليه "الاغلب انها في مركزه"

, فقلت الاغلب ك توقع مني, لاني ما اقدر اثبت,, لكن اذا تبي الاثبات شوف البندول وطريقه حساب طول الخيط المعلق فيه,, تلاقيها تنتهي عند منتصف الكوره الحديديه,, وهي مركز ,, لو كان البندول مثلث لتغيرت الحسبه لان مركز المثلث مو في النص

أما بخصوص اجابتك على السؤال الثالث فانني أشك في صحتها لأنك تقول بأن الطاقة الحركية للكوب هي المسئولة عن كسره فلو وضعنا الكأس فوق طاولة وسلطنا عليه قوتين واحدة من اليمين واخرى من اليسار فانه سينكسر بالرغم من أن الطاقة الحركية للكوب في هذه الحالة تساوي صفرا.

وتقدر كمان تثلج الكوب وتسكب عليه ماء ساخن وينكسر الكوب, وانت لا حركته ولا عطيته قوه,, هي كلها اشكال من اشكال الطاقه. اذا غيرت السيناريو يتغير شكل الطاقه

لكن نرجع لنقطه الصفر, احنى لما نسوي تحليل للقوى لازم يكون فيه قوه ثانيه مضاده حسب قانون نيوتن, يعني لو دفعت الكوب على جدار الكوب مسلطه عليه قوتين قوه من يدك وقوه من الجدار معاكسه , وما راح تتحرك يدك الا اذا كانت قوه يدك اكبر من القوه الجايه من الجدار , بمعنى اخر "القوه اللازمه لكسر الكوب....او الجدار", كذلك لو كان الكوب على طاوله, وتدفه بيدك فيكون فيه قوه معاكسه وهي قوه الاحتكاك, وما راح يتحرك الكوب الين قوه يدك تصبح اكبر من قوه الاحتكاك. لكن لو اطلقت عليه رصاصه؟ ليش ينكسر وما يتحرك؟؟ امممم ههههه عشان التسارع الكبير الي حصل للكوب .
لكن خلنا من هالكلام, في تعاملي مع الفيزياء ما احاول افهم كل شي, هو مزيج من الواقع والخيال, وعشان تفهم لازم تدخل نفسك في الهندسه والمتيريلز وفي النهايه لازم شويه خيال... خلاص نيوتن قال فيه قوه معاكسه, فعندك قوه شد "جذب الارض" وعندك قوه معاكسه وخلاص انكسر الكوب

كنت اتمنا لو احد احسن مني يجي عشان نستفيد خير من فلسفتي, لكن انا قدرك وانت قدري
"لازم مناقشاتنا تكون بعد الفطور عشان نكون رايقين "