ملتقى الفيزيائيين العرب - عرض مشاركة واحدة - تجربة فيزيائية رائعة
عرض مشاركة واحدة
  #1  
قديم 05-04-2013, 15:26
الصورة الرمزية flower@@
flower@@
غير متواجد
فيزيائي متميز
 
تاريخ التسجيل: Mar 2013
المشاركات: 296
Talking تجربة فيزيائية رائعة

المشهد الأول.. في الصالون..


حازم : نمااااااااااء...:

نماء : نعم !

حازم : هاتيلي كاسة مَي ..

نماء : و أنا بالغرفة ؟!؟ إنتا أقرب ع المطبخ مني.. قوم جيب لحالك ... مش قايمة

حازم : طيب يالله قومي خلصيني لأوصلك هلأ

نماء : يعني قادر توصلني بس مش قادر توصل المطبخ !؟!ooops: قوم قوم يالله بلا كسل

حازم : ولك نمااااااء


(تدخل نماء الصالون..)


نماء : طيب طيب ماشي ... بس عندي شرط.. رح أجبلك المَي بطريقة غريبة أول مرة بتشوفها ... و مو مسموح لك تشربها غير إذا قدرت تفسّر الوضع اللي هي فيه

حازم : طريقة غريبة ؟! أول مرة بشوفها ؟! متل شو يعني...؟

نماء : هلأ بفرجيك ياها.. بس لازم توافق ع شرطي بالأول! ما بتشرب و لا قطرة إلا إذا قدرت تفسر وضع المَي ... و التفسير فيزيائي ها!

حازم : ههه.. فيزيا!؟! إذن أكيد سهلة! يالله يا ستي عم نستناكي بس تطوليش!

المشهد الثاني.. في المطبخ ..

مسكت نماء الكاسة و قبل ما تحط فيها المَي..

نماء : حزّوووم... شايفتك! روح ع الصالون..

حازم : ولك كيف شفتيني........

نماء :


عبّت نماء الكاسة و غطتها بقطعة كرتون و مسكتها برفق بأصابعها و قلبتها بسرعة حتى صارت الورقة بوضع أفقي تماماً ... و قامت أصابعها عن الكرتونة..



بس الكرتونة ما سقطت و لا المَي اللي فيها انسكبت..!

و مشيت نماء بكل ثقة و شجاعة للصالون و هي حاملة الكاسة,,




حازم : شو هااااااااااد!؟!

نماء : يالله يا بو عقل..فسر!

حازم : ماشي استني شوي و رح تشوفي كيف حازم الذكي بفسّرها

نماء : معك بس 3 دقايق... بدا التوقيت






بعد دقيقتين..


نماء : مر دقيقتين و لساتك مو متخنفس ... شكلك ما رح تشرب اليوم (أسلوب تثبيطooops

حازم : هع هع ... عرفتها.. يحيى الذكاء !

نماء : عن جد؟ طيب شو التفسير؟

حازم : السر... في الضغط .. ضغط الهواء و ضغط المَي.. !

ضغط الهوا هو اللي بأثر ع الورقة من الخارج .. بقوة أكبر من وزن الماء الموجود داخل الكاسة !


نماء : صح!يالله اشرب عشان لسا في كمان حكي ..

: صحتين..

حازم : ع قلبك .. تفضلي شو بدك تحكي؟

نماء : عشان نأكد إنو كلامك صح ...


إقتباس:
ضغط الهوا هو اللي بأثر ع الورقة من الخارج .. بقوة أكبر من وزن الماء الموجود داخل الكاسة !

بدنا نحسبها...


حازم : أرقام..؟!؟

نماء : اه أرقام بس بسيطة كتير.. ناولني الورقة اللي جنبك و شوف البساطة..

الماء الموجود في الكاس تقريبا 200 جرام ... يعني نحسب وزنو

الوزن = الكتلة(بالكيلو) * تسارع الجاذبية
= 0.2 * 10
= 2 نيوتن...

إذن وزن الماء = 2 نيوتن


و ضغط الهواء .. و طبعا لازم نطلعو بنفس الوحدة .. النيوتن..

كم ضغط الهواء تقريبا؟


حازم : مممم يمكن 1000 نيوتن/متر مربع

نماء : صح تقريبا هيك.. ليش خايف؟
و هاد معناه انو الضغط على السنتيمتر المربع يمكن حسابو هيك..

الضغط على (سم المربع) = الضغط على المتر المربع / عدد السنتمترات المربعة في المتر المربع الواحد (=10000) ..

= 1000 / 10000
= 0.1 نيوتن / سم مربع



و تقريبا مساحة الكرتونة اللي استعملناها = 30 سم مربع

يعني الضغط على الكرتونة كلها = 0.1 * 30 = 3 نيوتن


الاستنتاج النهائي :

الضغط على الكرتونة من أعلى = وزن الماء = 2 نيوتن

الضغط على الكرتونة من أسفل = 3 نيوتن


__________________
__________________
الحمد لله 🌸

التعديل الأخير تم بواسطة flower@@ ; 05-04-2013 الساعة 15:32
رد مع اقتباس