[HEMAlaya]

السلام عليكم


النهارده كلنا شفنا قفزه فيكليس من السما و الناس كلها مبهوره باللي حصل بس انا شخصيا حاسس انها مش بالهاله اللي بيصوروها بيها

يعني مثلا شركه ريد بول اللي عملاها

و بعدين فيه معلومات كتير قوي انتشرت بعدها علي الفيس و كل واحد بيحط حاجه جديده من دماغه

يعني مثلا فيه واحد كان كاتب ده

(بعد نجاح فيليكس فى القفز

وكلنا عارفين أنه أثبت أن مستحيل انسان بجسمه يستطيع اختراق جدار الصوت من فوق الغلاف
أصبح هناك قانون اسمه فيليكس لأن استطاع أن يلغي قانون اللي يقول أن سرعة الانسان مستحيل تسبق سرعة الصوت...

نيوتن أثبت أن سرعة السقوط الحر ثابته، وبعد أنـه قدر ينجو من السقطة ولم يتمزق جسمه أوصال وهو يخترق حاجز الصوت ألغي قانون العالم نيوتن...

انتم الآن تعيشون معجزة علميه حيه)


و انا الصراحه شاكك في الكلام ده مع ان اخر علاقتي بالفيزياء كانت اولي ثانوي و طبعا مش فاكر اي حاجه خالص منها

و ده كان ردي علي واحد


(بس دا عشان لابس بدله مجهزه مش نازل ببجامه يعني طب ماهو الطيارات بتخترق حاجز الصوت و ما بيحصلهاش حاجه حد بقا قال ساعتها اللي بيقولوه النهارده ده !!


و بعدين ده واحد عملها قبله سنه 60 و طبعا ماكنش عنده تجهيزات ولا نيله و فيه رقم بتاعه معرفش يكسره النهارده و محدش قال بعدها يعني ده كسر قوانين نيوتن ولا حاجه

و هما يعني ماكنوش يعرفوا يثبتوا حكايه السقوط الحر بسرعه ثايته دي الا لما بني ادم يرمي نفسه يعني ماكانوش يعرفوا من عشرات السنين انهم يرموا حاجه من مسافه اعلي من كدا كمان و يقيسوا سرعتها )


فياريت حد حد يقدر يشرحلي الكلام ده صح ولا غلط و هل اللي حصل النهارده فعلا كسر قوانين نيوتن !!!!!