[كاتم الصوت]

السلام عليكم ورحمة الله وبركاته
اخواني واخواتي اتمنى ان اشوف تعليقاتكم على الموضوع


ياجماعة ويش الغلبة والجهد والتعاميم والمتابعة للمعلمين والمعلمات كل هذا لان المعلم او المعلمه تبي تحط اسأله .......................؟؟؟؟؟؟؟؟؟؟؟؟؟؟ بصراحه لو حسبنا الجهد والوقت الي يضيع من عدد المعلمين والمعلمات ومتابعة الادارت في كافة انحاء المملكة لوجدنا انه من الافضل ان توضع الاسئله من الوزارة للصف ثاني وثالث هذا من زاوية ومن زاويه اخرى اصلا الجدول خطأ لا يتناسب مع مادة الفيزياء؟؟؟؟؟؟
لو دققنا النظر في الأهداف السلوكية في مادة الفيزياء لوجدناها مختلفه عن باقي المواد ..........لان كما يعلم الجميع ان الاهداف متفاوته بشكل كبير فمنها ما هو يتحقق في اقل من دقيقه مثل (ان يذكر الطالب وحدة الشحنة.) ومنها ما يحتاج الى اكثر من حصة لتحقيقه مثل (ان يطبق الطالب قانون كرشوف) فهل يتساوى ان هذا هدف وهذا هدف وكل واحد عليه في النهايه درجة يعني ان معد الاسئلة مستحيل يجيب حاجه طويله كما في السابق
واذا كان ما يقدر يجيب حاجه طويله ليه يشرحها اصلا ويفصل فيها او حتى يضيع عليها وقت وهو يعلم انه ما يقدر يحط مسألة من هذا النوع مو كذا ليه هي اصلا موجوده في المقرر ؟؟؟؟ اذا كان الملعم لايستطيع ان يجعل لها نصيب من التقويم في نهاية الفصل مو بس كذا في فصل السنه الماضيه لايحق للمعلم ان يضع مسأله عليه بحكم توزيع الاهداف ............. وهذا اكبر خطأ لان المسألة عادة تحتوي على جزء كبير من الفصل افيدونا !!!!!!!!!!!!!!!!!!!!!هذا والله اعلم

[جديه بس رومنسيه]

انا لاامانع من وضع جدول مواصفات بس يرسلون لنا ملزمه جاهزه مع توزيع الدرجات
وانا على كيفي احط الآسله حسب مايبغون ولكن انهم يلزومني بأسئله معينه هذه مسخره
واما حكاية اني افهم تحليل المحتوى هذه مالها داعي لان كل معلم يختلف عن الآخرفي توزيع عدد الحصص ومدة شرح الفصل حسب ظروف المعلم
وانا اخذت العام دوره في جدول المواصفات وكان والله مهزله كان اهدف منه ان الموجهه تنتج عمل بإسمها من تعبنا
وانا اويدك من ناحية شرح المسائل الطويله وفي النهايه مايبغونها لانه هم الحين يطلبون مساله قصيره من فقرتين
يعني بالكثير سطرين عشان كذا ريحت عمري وماشرحت الا المسائل السهله والبسيطه واتمنى التوفيق للجميع

[كماشه]

السلام عليكم ورحمة الله وبركاته
السنة الماضية ألزمونا بجدول مواصفات ونموذج ارشادي للصف الثالث بس ماطبقته بحذافيره ..........لكن استخدمته كمساعد
لأني رجعت إلى أسئلة اللرئاسه وماانطبق عليها هالكلام 100% .............وغير كذا مشرفة تربوية تخصصها
لغة عربية قالت لمعلماتها هو مو كتاب مقدس عشان يتنفذ مثل ماهو مكتوب بالضبط .............مو مثل مشرفاتنا
اللي يهزون روسهم لأي تعميم أو قرار واحنا المنفذين

[كاتم الصوت]

المشكلة انه واضح وصريح في تقيده للمسائل اي ان معد الاسئلة مستحيل يقدر يحط مسألة طويله زي ما علقت جديه يعني هل من المعقول ان المعلم ما يشرح اشياء هي موجوده في الكتاب بعد الواحد يحس انه بين امرين اما انه ما يشرحها او يشرحها وهو حاط في باله انه ما يقدر يحطها في الاختبار

[أم عبدالله66]

أساساً جدول المواصفات مهزلة
ياليت يرجعون يضعون الأسئلة من الوزارة
أفضل بكثيييييير
ألحين ماأدري أحضر دروسي , أو أرصد الدرجات ، أو أحضر للمراجعة ، أو أكتب أسئلة
جداً شي متعب للغاية وياليتها تعجبها أسئلتي
لازم أسلمها السبت ( دور أول ، دور ثاني )
شي يضيق الصدر...
الله يكون في عوننا
قولوا آمييييييين

[أم مصعب]

أنا معكم الآن أخذت من بنك الاختبارات جدول ثاني و أول ثانوي و وجدت إن الأهداف الي وضعت غير متناسبة مع ماشرحت فمثلاً وضعت أهداف لم أركز عليها ولم توضع بعض الأهداف التي أرى من وجهة نظري إنها ضروريه فالمفروض أن تعطى أهداف الكتاب أو تحليل المحتوى مع كل كتاب في بداية الفصل الدراسي وياليت إن شعبة الاختبارات يضعوا جدولين مواصفات أحدها للأسئلة المقالية والآخر للأسئلة الوضوعية.
أو يطبق جدول المواصفات بشكل صحيح عندما تكون الأسئلة اختيار من متعدد والدرجات متساوية على جميع الفقرات..

[ناصر اللحياني]

[align=justify]أقترح عليكم تطبيق قاعدة " أبشر طال عمرك " ... فأي طلب يطلبه المشرف أو المدير قل له " أبشر طال عمرك " ثم نفذ كل ما تراه مناسبا وتقتنع به وكأنك لم تسمع شيء من قولهم ... . وإذا سؤلت فيما بعد .. قل له ماذا تريد الآن؟ ... وبعد أن ينتهي قل له " أبشر طال عمرك " وكأنك لم تسمع شيء .

بهذه القاعدة سترتاح من مشاغلهم . [/align]

[كاتم الصوت]

iiiiiiiii شكرا للجميع على تفاعلهم للموضوع والله يوفق الجميع وكان الله في عونك الاخت الاستاذه ام عبدالله تصدقو شئ اناااا عمري ما اختبرت في اختبار فيزياء من الثانويه الى ان تخرجت من الجامعه وكان فيه الاختبار صح او خطأ او اقرن او الخرابيط الثانيه كنت دائما اشوفها في اتلمواد السهله
الاخت ام مصعب الله يعطيك العافيه وكلمك معظم المعلمات والمعلمين يعانو منه لان كل واحد له زاويه يرى منها الموضوع فهو يركز على جانب والاخر يركز على جانب اخر وهذا متفق مع كلامك ( فمثلاً وضعت أهداف لم أركز عليها ولم توضع بعض الأهداف التي أرى من وجهة نظري إنها ضروريه فالمفروض أن تعطى أهداف الكتاب أو تحليل المحتوى مع كل كتاب في بداية الفصل الدراسي وياليت إن شعبة الاختبارات يضعوا جدولين مواصفات أحدها للأسئلة المقالية والآخر للأسئلة الوضوعية.)

[كاتم الصوت]

الاخ ناصر شكرا لك على المداخله
بس تصدق اني ما تخيلت واحد بمستواك وثقافتك العلميه الفيزيائيه انه تكون معه قاعدة " أبشر طال عمرك " ... ويش خلينا للمعلم العاجز عن التعبير عن وجهة نظره وهل يكون الواحد مجرم وغلطان ان يعبر عن وجهة نظره وعلى العموم الف شكر وتقدير لك واناااا سعيد انك تفاعلت مع الموضوع

[ناصر اللحياني]

المشاركة الأصلية كتبت بواسطة كاتم الصوت الاخ ناصر شكرا لك على المداخله بس تصدق اني ما تخيلت واحد بمستواك وثقافتك العلميه الفيزيائيه انه تكون معه قاعدة " أبشر طال عمرك " ... ويش خلينا للمعلم العاجز عن التعبير عن وجهة نظره وهل يكون الواحد مجرم وغلطان ان يعبر عن وجهة نظره وعلى العموم الف شكر وتقدير لك واناااا سعيد انك تفاعلت مع الموضوع

[align=right]عفوا أخي الكريم ... هل تتصور أن المشرف أو المدير سيتقبل وجهات النظر فيما أنزل من السماء أقصد من وزارة التعاميم واللخبطة ؟
كلا .. ليس له إلا ن يبلغك ما أنزل إليه من التعاميم .
والمعلم العاجز هو الذي يطبق ما طلبوا ليعيش في دوامة من التعقيد والحيرة .

لذلك ولأنفذ ما أريد وما أنا مقتنع به فلن يجدوا مني إلا " أبشر طال عمرك " لفظة مجردة من كل معانيها ، لأني لا أحب " دوخ الراس وتعكير المزاج " .[/align]