[القحطآني]

السلآم عليكم ورحمة الله وبركآته ,

أخبآركم يَ فيزيآئين وفزيآئيآت العرب .. ؟!
عسآكم بخير .. !


تفكون تفكون تفكون ~> ركزوآ ع ـآلكلمه بس :P

أبغى ـآ منكم يَ طويلين الأشنآب , ولا يهونون الشنبآت أقصد البنآت :P
حل لـ سوعآآل عندي بَـ الفيزيآء وضروري أبغآه

السوعآل يقول : ( لديك قضيبان من الحديد متشابهان تماماً في الشكل الخارجي , غير أن أحدهما مغناطيس والآخر حديد عادي . من خلال تعرفك على خصائص المغناطيس وبدون أن تستعيني بأي مواد أخرى : كيف تحددي أيهما هو المغناطيس .. ؟! ) .. !


~> وش درآني أنآ وش درآ أوومي أي وآحد فيهم مغنآطيس هو أنآ مسويهم :P


المهم , أنآ أعرف الحل أخذته من النت بس أبغى أفهمه كيف وليه ومن قآل له وشلون صآر مغنآطيس ؟!

~> الله مير يعينكم على إسلوبي الخطنطر ..

الإجآبه أخذتهآ كَ التآلي : ( نقرب قطعة الحديد المجهولة الأولى من منتصف القـطعة المجهـولة الثـانيـة . إذا حدث تجاذب فهذا معناه أن القطعة الأولى مغناطيس وجذبت لها الحديد . إذا لم يحدث تجاذب فهذا معناه أن القطعة التي قربناها حديد والثانية مغناطيس ) .. !

أبغى أعرف هالحين يوم إنهم حطوآ الحديد بالنص ليه ؟ وش المغزى ~> متعوب عليهآ المغزى :P
أقصد وش معنى حطوهآ بالنص ليه يعني مآكآنت بالطرف ؟


أرجوكم رجآآآآء تجآوبوني اليوم :k_crying:
صآر لي أسبوع أدور الحل ويوم لقيته مآفهمته والله قهر :k_crying:


بإنتظآركم أنآ ..

وأكون شآآآكر لكم مآآآآره , والله رآح أدعيلكم من قلبي .. !

[- أنشودة المطر -]

تراني ما أعرف , بس خلنا نتناقش ,

الحين مو المغناطيس قطب موجب وقطب سالب , طيب شف خطوط المجل للمغناطيس تخرج من الطرف الموجب وتذهب إلى السالب , أما النص فيه تنافر قوي جدا لأنه موجب مع سالب بحيث أنه ما يكون فيه خطوط مجال .

تخيل الوضع لو قربت شحنة موجبة من شحنة سالبة ,في النص مافي خطوط مجال ,فهمت قصدي , يعني ما في تأثير ..

و الله أعلم ..

[القحطآني]

والله فهمت يَ لبى قلبك , بس ممكن سوعآل .. ؟!


وش هي خطوط المجآل .. ؟!

[- أنشودة المطر -]

خطوط المجال بشكل مبسط : هو مدى تأثير المغناطيس , فكر فيها مثل الكرة الأرضية , كيف تجذبك و كيف لما تخرج إلى الفضاء الخارجي ما يكون لها تأثير عليك ..

مثلها مثل المغناطيس وهذي صورة لها :

[القحطآني]

أنشودة المطر يَ عل يدينك مآتمسهآ جهنم قول آمين ,
الله يوفقك دنيآ وآخره ويرزقك كل إللي تتمنآه عآجل غير آجل اللهم آميييييييييين ,
أشكرك أشكرك أشكرك , وجزآك الله خير ,

والإخوآن والأخوآت إللي يبغون يردون ويقولون إجآبآتهم حيآهم الله ترآني مأقول لا :P

[دلع بنوته]

ههههههههه
أخ القحطاني
اسلوبك طريف جدا

.....
أنا يوم كنت في أول ثنوي ( يعني العام الماضي ) كتبت تقريبا نفس الإجابة اللي إنتي قلتها
وقلت أجوبة ثانية
نقدر نعلقهم تعليق حر
و من خصائص المغناطيس إنه دائما يتجه لـ جهة الشمال
و الحديد عادي راح يسلك أي سلوك
فالقضيب اللي يتجه للشمال هو المغناطيس و الثاني هو الحديد

[القحطآني]

دلع بنوته ,
مشكوره أخيتي على الإطرآء القمييييل مآآره :$


نرجع لـ محور حديثنآ ( كيف يعني يتجه شمآل .. ؟! )
مو هم يقولون في سؤآلهم إللي مدري وش يحس فيه إنهم متشآبهين في كل أبو شي وأم شي وشلون أفرق إن ذآ لـ الشمآل .. ؟!


~> الله مير يعينكم على غبآئي :$ على إسلوبي السآمج , بس قصصصصم ذآ إسلوبي وش أسوي فيه ~> ترآ أبكي ألحين ~> أحد قآيل لك شي :P


بإنتظآر ردك أختي [ دلع ] .. !

[*الزعيم*]

بسم الله الرحمن الرحيم
السلام عليكم ورحمة الله وبركاته
قبل شرح الاجابة لابد من التعرف على خواص المغناطيس والتي من ضمنها...أن شدة المجال المغناطيسي تكون أكبر ما يمكن عند منطقة القطبين...وتكون قليلة جداً عند منطقة الوسط...
لذلك لو قربنا برادة حديد من المغناطيس فانها تتركز عند القطبين لأنها المنطقة التي تظهر فيها قوة المغناطيس...
ففي المثال السابق ليس لدينا برادة والا لكان الأمر سهل جداً....
فما العمل !!
القطعتان متشابهتان في كل شي !!!!
اذن نلجأ الى هذه الطريقة وهي.....
نقرب طرف القطعة الأولى ( بحيث تكون أفقية ) من وسط القطعة الأخرى ( بحيث تكون عمودية )..
النتيجة لن تخرج عن احتمالين....
الأول / حصول تجاذب بينهما ونحن اتفقنا أن القوة المغناطيسية قوية في الأطراف من هذا المنطلق وبما أنه حدث تجاذب فان القطعة التي قربناها من طرفها هي المغناطيس !! اذن القطعة الأولى هي المغناطيس لأن القطعة الثانية دخلت معنا من وسطها ونحن متفقون أن القوة المغناطيسية ضعيفة جداً من هذه المنطقة...!
الثاني / عدم حصول تجاذب فهذا يعني أن القطعة الأولى فشلت في جذب القطعة الأخرى رغم أننا قربناها من طرفها !! والذي هو أقوى منطقة في القوة المغناطيسية...!!اذن هي غير مؤهلة لأن تكون مغناطيس !
ولابد ان تكون القطعة الأخرى هي المغناطيس لأنه ذكر في السؤال أن واحدة من القطعتين مغناطيس فليست الأولى اذن لابد أن تكون الثانية !!وكأن لسان حال القطعة الثانية تقول (( قربوني من طرفي وأُريكم !!!))!!
وفقكم الله جميعاً لما يحبه ويرضاه......
أخوكم.......*الزعيم*

[دلع بنوته]

يعني نعلق القضيبين تعليق حر ( كل واحد لحاله طبعا )
بواسطة خيط مثلا
نعلق القضيب الأول ( و نفترض أنه هو المغناطيس ) بـ خيط ( و يكون الخيط في نص القضيب تقريبا )
بما إنه مغناطيس فمن خصائص المغناطيس إنه يتجه إلى جهة الشمال
يعني بيضل المغناطيس يدور و يدوووووووووور ويدووووووور و بعدين بيوقف على إتجاه الشمال
يعني إنت امسك معك بوصلة و علق المغناطيس بتشوف المغناطيس بيصير موجه إلى جهة الشمال( يعني إلى نفس جهة إبرة البوصلة )
أو مثلا ما عندك بوصلة مو مشكلة
في الصبااااح شوف من وين تطلع الشمس ؟؟ ( طبعا من المشرق ) و علق المغناطيس و راح تشوف المغناطيس بيصير موجه إلى عكس إتجاه شروق و غروب الشمس

أسهل لك خل معك بوصله بتشوف إتجاه المغناطيس هو نفسه إتجاه ابرة البوصلة
( لأن القصب السالب { جهة اللون الأزرق } > شوف مغناطيس المدرسة و بتشوفه جهة حمرا و جهة زرقا
اللون الأزرق هو اللي بيصير على جهة الشمال ( لأن الأقطاب المتنافرة تتجاذب ) و بتشوف اللون الأحمر بيصير جهة الجنوب ( لنفس السبب )

أما الحديد العادي فـ بيضل يدور و يدوور و بعدين بيوقف على أي إتجاه ما عنده أي مشكلة ^^


أرجوا أن تكون الإجابة واضحة
{ بيـآنـ

[- أنشودة المطر -]

في الصبااااح شوف من وين تطلع الشمس ؟؟ ( طبعا من المشرق ) و علق المغناطيس و راح تشوف المغناطيس بيصير موجه إلى عكس إتجاه شروق و غروب الشمس

تعليق على كلام دلع بنوته ,

في الصباح لما تشرق الشمس خلك واقف في جهتها , يعني مقابل خروجها تماما , أفرد ذراعك الأيمن الجهة اللي تأشر عليها هي الشمال ..

يعني جهة الشمال هي المنتصف تماما بين شروق الشمس وغروبها ..

طيب هذي صورة أفضل لك من دوخة الراس :