[manal5]

كيف اعالج الملل الذي بداء معي من بعد الاجازه وثقالة دم منهج ثالث الفصل الاول على قلوب الطالبات من جد احس اني ارهقت من هذا المنهج مع مقارنته بمنهج الخليج وخاصة الكويتاحول ان ارفع معنوياتي مع كم طالبة حوالي 12 طالبة ممتازين اما الباقي حوالي 40 طالبة من جنبها اسمحولي ماهم عارفين والله حتى العمليات الحسابية اكون صادقه معكم اليوم تغيبت من المدرسة مارحت من نفسيتي المحطمه تماما

[toofisa]

اهلين بالغالية
ليش ثالث بهالنفسية هو صح خوف وقلق لكن حاولي معهم ما تشدين كثير ووتشوقينهم للجامعة
انا دايم اشوقهم احكي لهم انها حلوة بيرتاحون مو مذاكرة يومياً
حتى اليوم اخر كلامي اني قلت استحملوا هالسنة واذا تعبتوا ومليتوا غمضوا عيونكم شوي وتخيلوا انكم ناجحات وبتفوق وتدخلون القسم اللي تحبونه هالشئ يشجعكم
بعدين برضوه التمارين خففي منها مو كلها تحلينها
ساعديهم باعمال السنة
هالشئ يرفع من معنوياتهم
بس الاهم انتي تحتاجين برضوه تكوني متشجعة عشان تقدرين تعطين
وانا عندي ثالث احلى منهج رغم العام اول ما مسكته كنت مترددة وخايفة

[عماد]

على فكره الاحباط والملل شئ ملازم لدراسه العلم الا توافقونى اخوانى؟؟؟؟
لكن الامل يخفف هذا الملل والاحباط بعض الشئ كما انكم عندما تحبون ما تدرسون تجدوا انفسكم فى شوق لاستذكاره كالمحب الذى فى شوق للقاء حبيبه

[manal5]

انا ما اختلف معكم توفيز وعماد لكن من جد منهج يجيب الاكتئاب وربي اول مره ادرس الفصل الاول اختلاف كلي عن الفصل الثاني الله يعين كلش كوم والفصل الاخير كوم من الان وانا شايله همه كم معلمه سالتها والله تقول اني احذف منهم كم شغله اشوف مالها داعي انا ماقدر ماارتاح مع العلم عماد انا عاشقه لمادتي بس الله يرحم والديكم تمعنوا في فصول الثلاثة الاخيره وردولي

[toofisa]

مرحبا
انا في فصل الشغل والطاقة خلي كل فصل واحواله لا تشيليين هم
فالمنهج مو بيدنا نغيره مع انه احتمال على السنوات الجاية يصير موحد مع منهج الاولاد
هو زين بس من ناحية ثانية يكون بالنسبة لنا شرح فصول جديدة
نحتاج جهد اكبر للفصل الثاني
واذا عندك ملخصات او تحضير شاركينا بالملتقى

[manal5]

عندي والله ملخصات واختبارات محتويه على عبارات جدا جميله استمديتها من دورة في كيفية الاباع في الواجبات والاختبارات التحصيلية واتمنى ان امدها لكم ولكن للاسف توفيز واقولها بخجل لا اعرف كيف احفظها ومن ثم انزلها مرة اخرى واذا كان عندك وقت اشرحي لي الطريقة بخطوات وساتبعها

[نيوتن]

والله رفعتي شئ من معنوياتي اذ ن احساسي بملل الطالبات وتذمرهم من المادة واهمالهم اصابني بالاكتئاب وجعلني افكر في اخذ اجازه استثناءيه وهذا الحال ليس فقط في ثالث وحتى في اول
الا اني عندما قرءت الموضوع حفف عني بعض الشيء اذا اني لست بمفردي
وتسائلي هل التخفيف في حل التمارين يجدي نفعا
وما الفائده ان كنت احضر تمارين خارجيه وقت الاختبار

[toofisa]

manal5
الاستاذ الجميلي ما قصر وبانتظار مشاركتك شوقتيني خلينا نتعلم برضوه منك
نيوتن
بالنسبة للتمارين قللي منها اول شئ راحة لك وللطالبات لانه الترم الثاني راح يكون ضغط فمو معقول طول السنة تعب
وهالترم ساعدي الطالبات بالاختبار لانه صار حتى دخول الجامعة صعب فنبذل جهدنا بالمساعدة

[رجيج]

الله يساعدكم بالنسبه لمنهج الاولاد حفظناهم بصم وصارت كل الفصول مثل بعضها والسبب تدرون شنهو لاني ادرس في هجرة لي خمس سنوات والمراحل الثلاث ادرسها لاوبعد علوم متوسط فأتعب على اول ثانوي في تعليمهم الاساسيات في الفيزياء مثل حل التمارين بكل الاشكال والوحدات وطريقة الاستنتاج وارتاح اذا جاو عندي ثاني وثالث

[ستار12]

الله يعينكم جدا .. اما بالنسبة للملل والاحباط من قبل الطلاب . ...والطالبات .. حدثووا ولاحرج ...بس اهم شي الارادة القويه والعزم والاصرار على ... تغيير معنويات الطلاب والطالبات ...فهذا يجعل الانسان او المعلم يقف مكتوف الايدي ..بل يبذل كل قصار جهده للتغيير ....واعلموا ان وظيفة المعلم او المعلمة ... من اسمى الوظائف ولكم فيها اجر ومثوبة بالاضافة ...الى انها وظيفة الانبياء والرسل .... فأسعوا جاهدين .... واخلصوا ... فتزول كل الصعاب ..تحياتي للجميع .. ووفقتم ان شاء الله ...راح الكثيرمابقي الا اربعين يوما تقريبا ..هانت ...