[ياصغير مايكبرني لقب!]

السلام عليكم ورحمة الله وبركاته ..
اخواني واخواتي ابي منكم خدمة الله يجزاكم خير انا توني اباشر عملي امس بالمدرسة واكتشف ان البنات لهم اسبوعين موقفين و مااخذوا شي !!
المهم بوكرة اول حصص لي عند ثوالث وابي ابدا معهم وانا اول مره امسك ثالث ثانوي!!!!!
وبوكرة بأبدا ادخل واشرح معهم الديناميكا الحرارية ..
اعتبر متاخرة ولا لا ؟؟ افيدوني لاني مااعرف بمنهج ثالث واول مره حديثة تجربة وشايله هم بقووووووووووووة :mommy_cut:
بوكرة اشرح الى انواع الانظمة ؟؟؟ولا اكمل الشغل والحرارة تكفون ردوا علي ؟؟
ابيكم ترشدوني بكل شي مفيد بهالباب وش اعرض ووش التحاضير اللي استفيد منها ووش الملخص السبوري المناسب والواجب ؟؟ والله يابنات فيني ضيقة مايعلم بها الا رب العالمين :k_crying:ومن المغرب وانا على المنتدى وماقدرت اثبت معلوماتي احس اني حااااااااااايسة وماادري وش المفيد بالضبط كلها حشو معلومات ماقدرت ارتب افكاري !!
على فكرة انا ماسكة ثالث واولى مطور !!عشان كذا متشتتة وملخبطة افكاري
ياليت تفيدوني مثل ماعهدتكم ..:s_thumbup:

[السليمي11]

لا ما عليك يمديك بذن الله انا مسكت ثالث من اسبوعين بس
توهقت بنكبه التكميل وماسك اول ثانوي بعد وهذي اول سنه لي تدريس
يعني اموري امور خليها على ربك

ما تضيق الا تفرج وانا اخوك

سلااااااااااااام

[ياصغير مايكبرني لقب!]

اللهم امين
طيب اخوي انت وين واصل؟؟؟
وش الاشياء اللي استفدت منها هنا بالمنتدى ؟؟
انا ودي اسوي ورقة عمل لدرس الديناميكا بوكرة وش رايك احط جدول مقارنة بنهاية الحصة بين الانظمة ؟؟ ولا اخليه الحصة الجاية بعد مانحل الواجب اوزعه على البنات ويعتبر درجة مشاركة لهم !!

[ياصغير مايكبرني لقب!]

ايضاً

وين الاقي حلول الاسئلة والتدريبات ؟؟؟
ماحصلت بالمنتدى شي ؟؟؟

[سماالفيزياء]

اول شي تبدئي بالتعاريف ومصطلحات الدينا ميكا الحراريه لانها مهمه وتذكري مثال على النظام الحراري بعدين انواع النظام النظام المفتوح خلي البنات يعرفونه لان مر عليهم في الفصل الثاني بعدين الشغل والحرارة والاجراءات والقوانين مهمه جدا في حل المسائل خليهم يحلو مثال من امثلة الكتاب لانه تطبيق على القانون هذا الشرح
بالنسبه لورقة العمل الدرس طويل ما يحتاج ورقة عمل خليها للدروس الجايه او خلي كل بنت تجيب ورقة عمل تعتبر نشاط لها وتحسين للمشاركه او خليهم يسو مجموعات وكل مجموعه تجيب ورقة عمل عن الدروس الجايه وتعتبرنشاط لهم ويتنافسوا فيها
الواجب س9ص 73وس1 ص 72 اسئلة نهايه الفصل
بعدين يفتحوا الكتب ويحدوا التعاريف والقوانين والاشياء المهمه في الدرس
في مقارنة بين النظام المغلق والمفتوح جدول 3-1 ص 49 تكملي معاهم النظام المعزول يضيفوه لانه مو موجود
اكمال النظام المعزول ...
كتلة المادة / ثابته . دخول وخروج المادة / غير مسموح به . شكل الغلاف المحيط / ثابت . تبادل الحرارة والشغل / غير مسموح به .
ان شاء الله ما طولت عليك

[سماالفيزياء]

حل الواجب س1
المعطيات ح1 = 0.05م3 , ض = 200 كيلو باسكال = 2× 10اوس 5باسكال
ح2 = 0.1م 3 , شغ = ؟
الحل : شغ = ض ×ح1 لو ح2 ÷ ح1
= 2 × 10 ^5 × 0.5× لو 0.1÷0.5= 6931جول

[ياصغير مايكبرني لقب!]

جزاك الله الف خيييييييييييييير وبيض الله وجهك الله يسعدك وين مارحتي
بس ماقلتي لي الملخص السبوري عبارة عن ايش؟؟ رؤوس اقلام ولا اكتب التعاريف؟؟؟

[سماالفيزياء]

لتعاريف اكتبيها لانها مهمه اما انواع النظام تعداد والاجراءات تعداد بس مع قوانينها لان مهمه
مثلا : الاجراء الا يز و باريه
القانون شغ = ض (ح2- ح1) عشان يعرفو يحلوالمثال

[ياصغير مايكبرني لقب!]

مشكوووووورهـ والله يعطيك الف عافيه

[سماالفيزياء]

الله يعافيك...